Бүгүн, 14-март күнү Кыргыз текстиль фабрикасынын имаратында Студенттердин алган билимдерин практикалык жактан жүзөгө ашыруу максатында өткөрүлгөн «Менин биринчи тиккен кийимим» аталышындагы көргөзмө уюштурулду. Иш-чарага КР Президентинин Ош облусундагы ыйгарым укуктуу өкүлү Зиядин Жамалдинов, Ош шаарынын вице-мэри Нурбек Кадыров, Ош шаардык кеңешинин төрагасы Салман Назылбеков, Б.Сыдыков атындагы Кыргыз-Өзбек Эл аралык университетинин ректору, мугалимдери жана студенттер катышты.

Көргөзмөдө кесиптик колледждин 2-курстары тарабынан тигилген сырт кийим (пальто), 1-курстун студенттери тарабынан тигилген биринчи тиккен кийимдер,3-курстун студенттери жана фабриканын тигүүчүлөрү тарабынан тигилген кыздардын саркеч көйнөктөрдүн көрсөтүлдү.

Белгилей кетсек, Б.Сыдыков атындагы Кыргыз-Өзбек Эл аралык университети менен Кыргыз текстиль фабрикасы 2022-жылдын октябрь айында иш ордунда окуу технологиясын ишке ашыруу максатында келишим түзгөн. Бүгүнкү күндө университеттин алдындагы Кесиптик колледждин студенттери өндүрүштө окутууну айкалыштыруу менен билим алышууда.