Бүгүн 2025- жылдын 11- мартында Ала- Бука кесиптик колледжи тарабынан «Эне тил — ар бир улуттун дили»,- деген теманын алкагында уюштурулган студенттик илимий- практикалык конференция онлайн форматында өткөрүлдү. КӨЭАУнун ККнын тил жана коомдук сабактар бирикмесинин ага окутуучусу Кармышова Жаркынай Абытовна үч студентке илимий жетекчи болуп, конференцияга алып чыкты. Алар ККнын ПНК9-3-24 тайпасынын студенттери: Арзымаматова Асема Жаныбековна, Абибилла кызы Таттыгүл,
Мадаминжанова Орозгүл Абдусаламовналар.
Арзымаматова Асема Жаныбековна » Алыкул Осмоновдун поэзиясындагы антонимдер жана оксюморондор», деген темада, Абибилла кызы Таттыгүл » Фразеологизмдердин кепте колдонулушу», — деген темада, ал эми Мадаминжанова Орозгүл Абдусаламовна «Сүйлөмдөгү сөздөрдүн түз жана терс орун тартиби»,- деген темада баяндама жасашты.
Жыйынтыгында, Арзымаматова Асема Жаныбековна жана Абибилла кызы Таттыгүл «Мыкты баяндама»дипломуна ээ болушту.
Соңунда, илимий жетекчилик кылган Кармышова Жаркынай Абытовнанын ишине ийгиликтерди каалашты.
